Indicadores que nos permitirán deducir que nos atopamos ante un caso de TEA

 a) Alteracións na comunicación:

• Déficit no desenvolvemento da linguaxe, especialmente na comprensión.

• Mutismo.

• Ecolalia.

• Comprensión literal.

• Vocabulario inusual.

• Reiteracións.

• Dificultades para iniciar ou manter unha conversa, ou mantela de forma apropiada (vaise do tema, toma as cousas ao pé da letra, di cousas que non veñen a conto, etc.).

• Interese inusual por algún tema especial.

b) Alteracións sociais.

• Escasa relación cos compañeiros e coas compañeiras, non comparten intereses, manifesta preferencia por estar só ou soa e mostra dificultade para comprender os sentimentos noutras persoas.

• Dificultades para adaptar o seu estilo de comunicación ás situacións sociais, que pode ser demasiado formal ou inapropiadamente familiar.

• Reducido xogo imaxinativo flexible ou creativo.

• Pode manifestar agresividade e condutas disruptivas.

• Falta de cumprimento das normas de clase.

• Fracaso na relación normal con persoas adultas (demasiado intensa ou inexistente).

• Reaccións extremas ante a invasión do seu espazo persoal ou mental (resistencia intensa cando se fai presión con consignas distintas ao seu foco de interese).

c) Alteracións nos intereses, actividades, comportamentos e condutas.

• Ausencia de flexibilidade e de xogo imaxinativo e cooperativo.

• Dificultade de organización en espazos pouco estruturados.

• Falta de habilidade para desenvolverse nos cambios ou situacións pouco estruturadas, incluso aquelas nas que os nenos e as nenas gozan (por exemplo, excursións do colexio, ausencia dun profesor ou profesora, etc.)

d) Outros rasgos.

• Perfil inusual de habilidades e deficiencias.

• Déficit social e motor.

• Lectura e vocabulario por enriba da idade.

• Respostas inusuais aos estímulos sensoriais (visual e/ou olfactivo).

• Calquera historia significativa de perda de habilidades.